Muzeyin 2025-ci il üçün  Mülki Müdafiə hazırlığı üzrə tədbirlər planına əsasən Nizami Gəncəvi adına Milli Ədəbiyyat Muzeyində 1 Mart - Ümumdünya Mülki Müdafiə Günü ilə bağlı tədbir keçirilmişdir.

Tədbiri giriş sözü ilə muzeyin Mülki Müdafiə Qərargahının rəisi İsmayıl Muxtarov açaraq iştirakçılara MM-nin yaranma tarixindən və onun əhəmiyyəti barədə məlumat verib.

Sonra “Mülki müdafiə əhalinin təhlükəsizliyinin təminatıdır” mövzusunda Yanğınsöndürmə manqasının komandiri Pərviz Ələsgərov çıxış edərək mülki müdafiənin əsas prinsiplərindən, fövqəladə hallarda əhalinin təhlükəsizliyinin təmin edilməsi üçün vacib olan tədbirlərdən danışıb. O, yanğın təhlükəsizliyi qaydalarına riayət etməyin, ilkin yanğınsöndürmə vasitələrindən düzgün istifadə etməyin və fövqəladə hallarda təxliyə planlarının önəmini vurğulayıb.

Tədbirdə  fövqəladə hallar zamanı xilasetmə işləri, yanğınsöndürmə, ilk tibbi yardımın göstərilməsi praktiki olaraq göstərilmiş, plakatlar, ədəbiyyatlar və MM əmlakları nümayiş etdirilib, mövzu ilə əlaqədar olaraq lazımi təbliğat və izahat işləri aparılıb.

Sonda mövzu ilə bağlı videoçarx  nümayiş etdirilib.

Bütövlükdə Ümumdünya Mülki Müdafiə Günü muzeydə plana uyğun və mütəşəkkil aparılıb, aktual olan mövzu əməkdaşların maariflənməsinə xidmət edib.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.