Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında yayımlanan veriliş qədim zamanlardan qeyd olunan, baharın gəlişini, təbiətin oyanışını və yeni dövrün başlanğıcını simvolizə edən Novruz bayramına həsr olunub.

Bildirilib ki, Novruz - Azərbaycanda baharın gəlişini və təbiətin yenilənməsini qeyd edən müqəddəs bir bayramdır. Zərdüştlükdə kökləri olan bu bayram, işığın qaranlıq üzərində qələbəsini simvolizə edir.

Akademik Rafael Hüseynov xalqımızı Novruz bayramı münasibətilə təbrik edib: "Süfrələriniz həmişə dolu olsun, əziz həmvətənlərimiz. Azərbaycanın işığı, bayramı həmişə çox olsun. Novruzunuz, yeni iliniz, yeni gününüz mübarək, əziz həmvətənlərimiz. Həmişə Novruz, bayram içərisində olasınız. Həmişə Novruz, bahar sizin içərinizdə gülsün".

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.