Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında yayımlanan proqram tanınmış kamança ustası, Əməkdar incəsənət xadimi, professor Arif Əsədullayevə həsr olunub.

Bildirilib ki, Arif Əsədullayev Azərbaycan instrumental muğamlarını nota salan ilk ustad kamança ifaçısı və muğam bilicisi kimi milli musiqi xəzinəmizə gözəl ərməğan bəxş edib. Həyat fəaliyyətini kamança sənətinin təbliğinə və pedaqoji fəaliyyətə sərf etməklə ifaçılıq sahəsində də özünəməxsus yer qazanan sənətkar həm solo, həm də müşayiət ifalarında milli ifaçılıq xüsusiyyətlərini əks etdirir. Azərbaycan xalq musiqisinin təbliğatçısı və layiqincə tərənnümçüsü olan istedadlı kamança ustası Arif Əsədullayevun həyat yoldaşı və qızı da bu sənət yolunda onunla irəliləyir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.