Muzeyin direktoru, akademik Rafael Hüseynov muzeyin fəlsəfə doktoru və elmlər doktoru pillələri üzrə dissertasiyalar üzərində işləyən araşdırıcılarının hər biri ilə geniş fikir mübadilələri aparıb, zəruri məsləhətlər verib.

Doktorantlar aparadıqları tədqiqat işləri, ölkə xaricində məqalə və monoqrafiyalarının çapı, müxtəlif konfranlslarda iştirakları barədə məlumat veriblər.

Dissertasiyalarının planları ilə bağlı dəqiqləşdirmələr aparılıb, tədqiqatların ayrı-ayrı məqamlar ətrafında fikir mübadilələri gedib.

Ənənəvi olaraq hər növbəti ayın başlanğıcında keçirilən belə məsləhətləşmə saatları bir tərəfdən gənc araşdırıcıların üzləşdikləri problemlərin vaxtında həll edilməsinə kömək göstərirsə, digər tərəfdən hər bir dissertasiya işi ilə bağlı mövcud vəziyyəti diqqətdə saxlamağa, araşdırmaların müəyyən edilmiş vaxt çərçivəsində yerinə yetirilməsinə imkan yaradır.

Sevindirici haldır ki, məsləhətləşmə saatlarında muzeyin əksər doktorantlarının dissertasiyalarını tamamladıqları, ya tamamlama üzrə olduqları, işə ən yeni başlayanların isə artıq ilk məqalələrini çapa təqdim etdikləri məlum olub.

Nizami muzeyində akademik Rafael Hüseynovun doktorantlarla operativ cari görüşlərindən əlavə, ayda bir dəfə keçirilən birgə məsləhətləşmə saatlarının növbətisi may ayında olacaq.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.