Bakı Dövlət Universiteti Şərqşünaslıq Fakültəsi Filologiya (Türk dili və ədəbiyyatı) və  Regionşünaslıq (İran) ixtisasları üzrə bakalavr pilləsinin IV kurs tələbələri Nizami Gəncəvi adına Milli Azərbaycan Ədəbiyyatı Muzeyində təcrübə proqramı keçiblər. Təcrübə proqramında tələbələr muzeyin Doktorantura və elmi inkişaf şöbəsinin xətti ilə təşkil olunan müxtəlif mövzularda mühazirə və seminar məşğələlərində iştirak edərək, danışıq, tərcümə və digər sahələr üzrə öz bilik və bacarıqlarını təkmilləşdiriblər. Tələbələrlə təcrübə məşğələləri muzey əməkdaşlarından Beynəlxalq əlaqələr və dünya muzeyləri şöbəsinin böyük elmi işçisi, filologiya üzrə fəlsəfə doktoru Gülnar Əqiq və Qədim və orta əsrlər Azərbaycan ədəbiyyatının tədqiqi və təqdimi şöbəsinin kiçik elmi işçisi Mehriban Vəliyeva tərəfindən aparılıb.  2025-ci ilin fevral ayından başlayan təcrübə proqramı üç ay müddətində davam edib. 

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.