Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynov sentyabrın 23-25-də ölkəmizdə keçiriləcək Nəsimi - şeir, mənəviyyat və incəsənət festivalı ilə bağlı Mədəniyyət Nazirliyinə müsahibə verib.

Akademik Rafael Hüseynov bildirib ki, Heydər Əliyev Fondu, İslam Dünyası Təhsil, Elm və Mədəniyyət Təşkilatı – ICESCO və Mədəniyyət Nazirliyinin birgə təşkilatçılığı ilə ənənəvi keçirilən Nəsimi Festivalı Bakı və Şamaxıda təşkil olunacaq. Beynəlxalq tədbir elmi konfransla Bakıda başlayacaq, daha sonra Şamaxıda davam edəcək. 

Onun sözlərinə görə, Nəsimi Festivalı mədəniyyətlər və nəsillər arasında yaradıcı dialoqu təşviq etməyi hədəfləyir. Bu tədbir əbədi həqiqət axtarışında olan Nəsimini xalqa və dünyaya daha da yaxınlaşdırmaq yolunda növbəti addımdır.

Akademik Rafael Hüseynov qeyd edib ki, Böyük Britaniya, Almaniya, Pakistan, Oman, İran, İraq, Türkiyə, Orta Asiya respublikaları, eləcə də Azərbaycanın tanınmış alimlərinin işirak edəcəyi festivalda Nəsiminin yaradıcılığı, həyat yolu, onun ədəbi mühit içərisindəki yeri və fəlsəfi baxışları yenidən araşdırılacaq, təhlil olunacaq. Nəsimi bu gün yenidən qayıdır, gələcəklər içərisində həmişə qayıdacaq.

Ətraflı: https://www.instagram.com/reel/DObhI-GjBJ8/?igsh=NDZtcjA1cmdrZGx0

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.