Akademik Rafael Hüseynov bildirib ki, Cahangir Zeynalov teatrımızın beşiyi başında duranlardan, quruculardan, təməlqoyanlardan biri olub. Məhz Azərbaycan teatrının mübarizəli yolunun başlanğıcı bu cür fədakarların əməkləri və sevgiləri ilə nurlanıb. Görkəmli aktyor zəngin irs qoyub, böyük dəsti-xətt yaradıb. Onun səsinə biganə qalmaq mümkün deyil. Cahangir Zeynalovun təsirli səsi həmişə Azərbaycan teatrı, mədəniyyəti və insanı ilə birgə olacaq.

Proqramda Cahangir Zeynalovun qızı Xalq artisti Nəsibə Zeynalovanın atası ilə bağlı xatirələri dinlənilib. Həmçinin görkəmli sənətkar, Azərbaycan SSR Xalq artisti Məmmədəli Vəlixanlının böyük aktyorla bağlı xatirələri dinləyicilərin diqqətinə çatdırılıb.

Qeyd olunub ki, bu gün görkəmli aktyorun nəvəsi teatr rejissoru, Əməkdar incəsənət xadimi Cahangir Novruzov şərəfli ailə ənələrini ləyaqətlə davam etdirir.

 

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.