2025-ci il üçün təsdiq olunmuş Mülki Müdafiə tədbirlər planına uyğun olaraq, 19 sentyabr 2025-ci il tarixində Nizami Gəncəvi adına Milli Ədəbiyyat Muzeyində Mülki Müdafiə qüvvələrinin xəbərdarlıq və toplanış məşqi təşkil keçirilmişdir.

Məşqə hazırlıq mərhələsində muzey rəhbərinin müvafiq əmri verilmiş, məşqin keçirilməsi planı hazırlanmış, şəxsi heyətin xəbərdarlıq sxemi dəqiqləşdirilmiş, rabitə vasitələrinin vəziyyəti yoxlanılmış və digər təşkilati işlər görülmüşdür.

Məşqə Muzeyin Mülki Müdafiə qüvvələrinin komandir-rəis heyəti və manqa üzvləri cəlb olunub. Tədbiri açan Muzeyin Mülki Müdafiə Qərargahının rəisi İsmayıl Muxtarov qeyd etdi ki, məşq mülki müdafiə tədbirləri planına əsasən təşkil olunub və məşqin keçirilməsində əsas məqsəd xəbərdarlıq sisteminin fəaliyyətinin yoxlanılması, həmçinin MM qüvvələrinin şəxsi heyətində xəbərdarlıq və toplanış üzrə praktik bacarıqların möhkəmləndirilməsidir.

Tədbirdə MM qüvvələrinin şəxsi heyətlə tam komplektləşdirilməsi, lazım olan avadanlıqla təminatı və tapşırıqlar üzrə nəzəri bilikləri yoxlanıldı. Məşqin sonunda görülən işlər dəyərləndirilib, manqa rəhbərlərinə və üzvlərinə faydalı məsləhətlər verildi. Nəticə etibarilə, məşq qarşıya qoyulan məqsədlərə  uyğun şəkildə həyata keçirilərək başa çatdı.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.