Rusiyalı yazıçı Olqa Safronova Nizami Gəncəvi adına Milli Azərbaycan Ədəbiyyatı Muzeyinin qonağı olub.

bələdçi Aymən Həsənova ziyarətçini görkəmli ədəbi şəxsiyyətlərinin həyat və yaradıcılığı ilə bağlı materiallarla tanış edib, ona Azərbaycan xalqının mədəni-mənəvi irsinin zənginliyi barədə ətraflı məlumat verib.

Olqa Safronova muzeyin ekspozisiyasının təkcə Azərbaycan ədəbiyyatının zənginliyini əks etdirilməsi baxımından deyil, həm də onun sistemli və əhatəli təqdimatı baxımından xüsusi əhəmiyyət daşıdığını qeyd edib.

Ekskursiyadan böyük zövq aldığını dilə gətirən qonaq Qafqazın qədim ticarət yolları və Ərəbistan yarımadası mövzusunda yazdığı “Kilim” adlı kitabını muzeyə hədiyyə edib.

O, muzeyin rəylər və təəssüratlar kitabına ürək sözlərini yazaraq bildirib: “Təsviri sənət və ədəbiyyatın unikal konbinasiyası! Xatirimdə həmişəlik qalacaq əvəzsiz bir muzey!

Maraqlı ekskursiyaya görə ürəkdən təşəkkür edirəm!"

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.