Azərbaycan Radiosunda Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında “Axşam görüşləri” proqramının növbəti buraxılışı yayımlanıb.

Budəfəki proqram ustad şairlərindən olmuş mərhum Sərdar Əsədin yaradıcılığına həsr olunub.

"Axşam görüşləri"ndə Sərdar Əsəd zəngin yaradıcılığına nəzər salınıb, onun ədəbiyyatşünaslıq elmindəki yerindən bəhs olunub.

Akademik Rafael Hüseynov bildirib ki, ustad şair Azərbaycan ədəbiyyatında yeni cığır açıb, poeziyamıza yeni söz, yeni nəfəs gətirib. Onun yaradıcılığı dili, üslubu və poetik sözü, ruhuyla seçilib. Şair heç vaxt şeir qoşmaq naminə yazmayıb, yeni söz demək, yeni fikir söyləmək, sənətdə özünü təsdiqləmək üçün yazıb-yaradıb və özünü təsdiqləyib. Sərdar Əsəd şeirlərində yaşayacaq sevgi payını bu yurda yadigar qoyub.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.