Bu məqsədlə unudulmaz yazıçının qızı, Əməkdar jurnalist Asya Hacızadə atasının şəxsi əşyalarını, yadigarlarını Ədəbiyyat Muzeyinə hədiyyə edib.

Asya Hacızadənin budəfəki sovqatı Əlibala Hacızadənin yağlı boya ilə işlənmiş porteti olub. O, həmçinin şüşə üzərində işlədiyi daha bir zərif rəsm əsərini muzeyə hədiyyə edib.

Muzeydə Əlibala Hacızadəyə məxsus guşədə nümayiş etdiriləcək xatirə əşyaları, əlyazmalar, əsərlər, çoxsaylı kitablar, tarixi sənədlər, orijinal fotolar və digər maraqlı eksponatlar ədibin irsinin təbliği və gələcək nəsillərə çatdırılması baxımından əhəmiyyətə malikdir.

Qeyd edək ki, Əlibala Hacızadənin ekspozisiyası tezliklə ziyarətçilərin üzünə açılacaq.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.