Bakı Dövlət Universitetinin Şərqşünaslıq fakültəsinin tələbələri Nizami Gəncəvi adına Milli Azərbaycan Ədəbiyyatı Muzeyində olublar.

Əsrlər boyu müxtəlif dillərdə və əlifbalarda yaradılmış elmi və bədii əsərlərimizlə tanış olan tələbələr muzeyin ekspozisiyasını bəzəyən tablolar, xalçalar, miniatürlər və xatirə əşyalarına böyük maraqla tamaşa ediblər.

Azərbaycan Respublikası Milli Məclisinin sədr müavini, Ədəbiyyat Muzeyinin direktoru, akademik Rafael Hüseynov Şərqşünaslıq fakültəsinin İran üzrə regionşünaslıq fakultəsində oxuyan və hazırda "İranın mədəniyyəti və incəsənəti" fənnini apardığı tələbələrinə Ədəbiyyat Muzeyində mühazirə deyib.

 Muzeydə müxtəlif rəsm əsərlərinin, heykəltəraşlıq nümunələrinin, maddi-mədəniyyət incilərinin əhatəsində aparılan mühazirə tələbələrin marağına səbəb olub.

Onlar muzeyin “Rəylər kitabı”na öz fikirlərini yazıb və bu mədəniyyət ocağında təkrarən olmaq istədiklərini qeyd ediblər.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.