Azərbaycan Milli Elmlər Akademiyasının 80 illiyi münasibətilə “Humanitar və ictimai elmlər sahəsində süni intellekt və rəqəmsal texnologiyalardan istifadə imkanları” mövzusunda keçirilmiş məqalə müsabiqəsində Nizami Gəncəvi adına Milli Azərbaycan Ədəbiyyatı Muzeyinin dissertantı, “Rüfət Əhmədzadənin poeziyası və drammaturgiyası” mövzusu üzərində işləyən Aytac Həmidova da iştirak edib.

Akademiyanın Humanitar Elmlər Bölməsinin təşkilatçılığı ilə keçirilən müsabiqədə əsasən gənc tədqiqatçıların bilik və bacarıqlarının nümayişi nəzərdə tutulub. Dissertant Aytac Həmidova məqalə müsabiqəsində “Azərbaycan ədəbiyyatında frazeoloji birləşmələrin rəqəmsal analizində süni intellektin tətbiqi: nəzəri və praktiki aspektlər” adlı məqalə təqdim edərək həvəsləndirici sertifikatla təltif olunub.

Həmkarımızı təbrik edir, gələcək elmi yaradıcılıq fəaliyyətində ona uğurlar arzulayırıq!

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.