Azərbaycan Respublikasının Prezidenti, Zati-aliləri cənab İlham Əliyevə

 

Hörmətli cənab Prezident!

 

2025-ci il başa çatmaq üzrədir və Azərbaycan müstəqillik və inkişaf içərisində yaşadığı daha bir ili başa vurur. Dövlət müstəqilliyimiz 34-cü ildönümünü sona yetirərək 35-ci ilini başlayıbsa və həmin müddət ərzində bu qədər yüksəlişlərə nail olmuşuqsa, bundan ötrü xalqımız ilk növbədə iki böyük şəxsiyyətə minnətdardır. 1990-cı illərin əvvəllərində, yəni müstəqillik qazanmış gənc dövlətimizin və istiqlalımızın ən ciddi təhlükələr və təhdidlərlə üz-üzə qaldığı çağlarda misilsiz qoruyuculuq missiyasını yerinə yetirmiş və gələcək yüksəlişlərin təməlini qoymuş Ulu Öndər Heydər Əliyevə, bir də həmin böyük yolun layiqli davamçısı, Azərbaycanı bütün tarixinin ən ali zəfərlərinə çatdırmış, inamla sabahlara doğru irəlilədən Sizə – Azərbaycan dövlətinin başçısı cənab İlham Əliyevə!

 

Hörmətli cənab Prezident!

 

Başa çatan 2025-ci ildə Azərbaycanın 5 il öncə qazandığı möhtəşəm zəfərin ilk yuvarlaq ildönümü qeyd edildi. Millət təqvimindəki bu bayramın, xalqın hünər salnaməsindəki daim məhəbbətlə xatırlanacaq qələbəmizin memarı Sizsiniz.

Azərbaycanın ərazi bütövlüyünü təmin etmək, bütün müstəqillik tariximizdə ilk dəfə olaraq yurdun hər guşəsində üçrəngli bayrağımızı ucaltmaq da Sizin rəşadətinizdir.

Siz bu Vətənə və xalqa yüksək ləyaqət duyğusunu, vüqarı, başucalığını qaytarmısınız və bu töhfənizə görə hər bir azərbaycanlının qəlbində sevimli yeriniz var!

 

Əziz Prezidentimiz!

 

İlin bitməsinə düz bir həftə qalmış Sizin zəfərli və şərəfli ömrünüzün daha bir ili bitir, daha bir yeni ili başlanır.

Doğum gününüz mübarək olsun!

Bu xalq və yurd naminə gördüyünüz cahanşümul işlər, Sizə minnətdar olan xalqın yenilməz ruhu, bərqərar etdiyiniz haqq və ədalət naminə Tanrı daim Sizi qorusun!

Sizə Azərbaycanımızı daha qüdrətli və firavan etmək yolunda yeni uğurlar və qələbələr, tükənməz sağlamlıq və şövq, ailə səadəti, həmişə ucalarda yüksəlmək səadəti arzulayırıq!