Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında Azərbaycan Radiosunda “Axşam görüşləri” proqramının növbəti buraxılışı yayımlanıb.

Budəfəki proqram hüquqşünas alim, sənət sevdalısı hüquq elmləri doktoru Simran Həsənova (Ormançıoğlu) həsr olunub.

Akademik Rafael Hüseynov qeyd edib ki, Simran Həsənov İsmayıllı rayonunun Buynuz kəndində dünyaya gəlib. Orta məktəbdə Xalq şairi Musa Yaqubdan ədəbiyyat dərsi alıb, ustadına heyranlığı illər boyu onunla birgə böyüyüb. Simran Həsənov sonralar sevimli şairimizlə yaxın dost olub. O, 10-dan çox monoqrafiya və 50-dən artıq elmi məqalənin müəllifidir.

Diqqətə çatdırılıb ki, Simran Xalq şairi Musa Yaqubun "Bu dünyanın qara daşı göyərməz" şeirinə cavab olaraq yazıb:

Gör nə vaxtdır yuva salıb içimdə,

İlk məhəbbət bir qara daş biçimdə

Bəlkə elə göyərdi ilk eşqim də,

Bu dünyanın qara daşı göyərsə".

"Simran Həsənovun şairlik təxəllüsü Ormanoğludur", - deyə bildirən akademik Rafael Hüseynov onun musiqiyə böyük həvəsi olduğunu, həvəskar oxuduğunu qeyd edib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.