Azərbaycan Radiosunda "Axşam görüşləri"nin yeni ildəki ilk buraxılışı - 51-ci ilin ilk verilişi yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında efirə gedən proqram dahi Azərbaycan şairi Məhəmməd Füzuliyə həsr olunub.

Qeyd edək ki, 1975-ci ildə akademik Rafael Hüseynov tərəfindən "Axşam görüşləri"ndə dahi Füzulidən süjet hazırlanıb. Füzuli haqdakı parça 1975-ci ilin oktyabrında səslənib. Həmin verilişin ssenarisi akademik Rafael Hüseynov tərəfindən yazılıb, mətni diktorlar Ramiz Mustafayev və Züleyxa Hacıyeva səsləndirib. 1 saatlıq proqrama böyük söz ustadımızla bağlı 20-25 dəqiqəlik bədii-musiqili parça da daxil edilib.