Azərbaycan Radiosunda Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında “Axşam görüşləri” proqramının növbəti buraxılışı yayımlanıb.

Budəfəki proqram görkəmli musiqişünas, Əməkdar incəsənət xadimi, Prezident təqaüdçüsü, sənətşünaslıq üzrə elmlər doktoru, professor İmruz Əfəndiyevanın 90 illiyinə həsr olunub.

“Axşam görüşləri”ndə akademik Rafael Hüseynov İmruz Əfəndiyevanın Azərbaycan musiqişünaslıq elminin tədqiqi və təbliğindəki səmərəli fəaliyyətindən söhbət açıb. Bildirib ki, İmruz Məmməd Sadıx qızı Əfəndiyeva musiqişünas və pedaqoq kimi 1960-cı ildən başlayan fəaliyyəti ilə musiqi sənətinə və musiqi elminə bir çox dəyərli töhfələr verib. O, musiqişünas kimi musiqinin bir sıra janrları üzərində tədqiqatlar aparıb, öz elmi əsərləri və axtarışları sayəsində 300-dən artıq qəzet və jurnal məqaləsinin, populyar oçerklərin, tədqiqatların, dərsliklərin, kitab və monoqrafiyaların müəllifidir. İmruz Əfəndiyeva 1968-ci ildən Azərbaycan Bəstəkarlar İttifaqının üzvüdür.   

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.