Azərbaycan Radiosunda Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında “Axşam görüşləri” proqramının növbəti buraxılışı yayımlanıb.

Budəfəki proqram görkəmli Azərbaycan şairi və yazıçısı, "Kredo" qəzetinin baş redaktoru Əli Rza Xələfliyə həsr olunub.

Akademik Rafael Hüseynov əslən Qarabağın dilbər parçası Cəbrayıldan olan Əli Rza Xələflinin yaradıcılığında söhbət açıb. O, illərdir həsrətli şeirlər yazan şairin sözə könül bağladığını deyib. Bildirib ki, Əli Rza Xələflinin poeziyası həyat eşqi ilə alışan bir ürəyin çırpıntılarıdır və müəllifinin mənəvi aləmindəki fırtınaların, təlatümlərin əks-sədasıdır. O, bir şair, yaradıcı kimi Azərbaycan türkünün dilini, ana dilini kamil bilənlərdəndir

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.