Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında Mədəniyyət kanalında “Vətənim” verilişinin yeni buraxılışı yayımlanıb.

Budəfəki verilişdə XX əsr Azərbaycan ədəbiyyatının ən parlaq simalarından biri, görkəmli dramaturq, Əməkdar incəsənət xadimi Cəfər Cabbarlının yaradıcılığına geniş nəzər salınıb.

Bildirilib ki, Cəfər Cabbarlı 1899-cu il martın 20-də Bakının Xızı kəndində yoxsul bir kəndli ailəsində anadan olub. 1915-ci ildən lirik və satirik şeirlər, hekayə və dram əsərləri yazmağa başlayıb. 1924-cü ildə Azərbaycan Dövlət Universitetinin Şərq fakültəsinin Tarix şöbəsində təhsilini davam etdirib. 

Diqqətə çatdırılıb ki, C.Cabbarlının yaradıcılığı 1915-1934-cü illər arasındakı iyirmi illik bir tarixi mərhələni əhatə edir. 1916-cı ildə qələmə aldığı "Nəsrəddin şah" onun ilk tarixi pyesidir. C.Cabbarlının 1930-cu illər dram yaradıcılığı "Almaz" pyesi ilə başlayıb. "1905-ci ildə" adlı pyesini 1931-ci ildə tamamlayaraq teatra verib.

“Vətənim” verilişini buradan izləyə bilərsiniz.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.