Martın 19-da Azərbaycan Respublikasının Mədəniyyət Nazirliyinin maliyyə dəstəyi və Mədəniyyətlərarası Dialoq naminə Qlobal İttifaqın (GUİDE) təşkilatçılığı ilə Yaradıcı Mərkəzdə “Mədəniyyətlərarası dialoqun Azərbaycan modeli: maarifləndirmə və yeni alətlərin yaradılması” layihəsi çərçivəsində ingilis dilində təlim keçirilib.

Təlimdə Muzeyin Filiallarla iş üzrə direktor müavini Ləman Muxtarova, Beynəlxalq əlaqələr və dünya muzeyləri şöbəsinin müdiri, kulturologiya üzrə fəlsəfə doktoru Nailə Əliyeva, Doktorantura və elmi inkişaf şöbəsinin böyük elmi işçisi, filologiya üzrə fəlsəfə doktoru Sevinc Heydərova iştirak ediblər.

Görüşdə, həmçinin, mədəniyyət sahəsində çalışan mütəxəssislər, QHT nümayəndələri və gənclər iştirak edib. Qeyri-formal təhsil metodlarına əsaslanan sessiya çərçivəsində iştirakçılar “Mədəniyyət Aysberqi” vasitəsilə mədəniyyətin görünməyən tərəflərini kəşf etdilər, “İrəli addım” çalışması və xüsusi rollu oyunlar vasitəsilə imtiyazlar, bərabərsizlik və inklüzivlik anlayışlarını praktik şəkildə təhlil etdilər. Təlim iştirakçılara mədəni müxtəlifliyi dərindən anlamağa, fərqli arxa plana malik insanlara qarşı empatiya hissini inkişaf etdirməyə və icmalarda dialoqu təşviq etmək üçün yeni bacarıqlar əldə etməyə imkan yaradıb.

Sonda iştirakçılara sertifikatlar təqdim olunub.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.