Azərbaycan Radiosunda “Axşam görüşləri” proqramının tanınmış şair, tərcüməçi, jurnalist, radio və televiziya xadimi Ənvər Əlibəyliyə həsr olunan ikinci buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında yayımlanan proqramda Ənvər Əlibəylinin yaradıcılığına nəzər salınıb, onun Azərbaycan radiosu və televiziyasının inkişafında göstərdiyi xidmətlərdən geniş bəhs olunub.

Akademik Rafael Hüseynov qeyd edib ki, Ənvər Əlibəyli Azərbaycan ədəbiyyatında mühüm iz qoymuş sənətkarlardandır. Onun yaradıcılığı milli ədəbi irsin dəyərli hissəsi hesab olunur və gələcək nəsillər üçün örnəkdir.

O,  gəncliyinin ilk illərindən fəaliyyətini teleradio ilə bağlamış, Televiziya Verilişləri Komitəsinin sədri Ənvər Əlibəylinin bir çox ilkləri ilə tarixdə qalmağa müvəffəq olduğunu vurğulayıb.

Proqramda Ənvər Əlibəylinin bir sıra şeirlərindən nümunələr səsləndirilib, həmçinin onun Azərbaycan Televiziyası və Tofiq Quliyevlə bağlı söylədiyi fikirlər dinləyicilərə təqdim olunub.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.