Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında Mədəniyyət kanalında “Vətənim” verilişinin yeni buraxılışı yayımlanıb.

Budəfəki verilişdə dahi Azərbaycan şairi Məhəmməd Füzulinin yaradıcılığına geniş nəzər salınıb.

Bildirilib ki, Məhəmməd Füzulinin yaradıcılığı Azərbaycan və Şərq ədəbiyyatının zirvəsi olub, üç dildə (Azərbaycan türkcəsi, ərəb, fars) yazdığı zəngin irslə seçilir. Şairin divanları, qəzəlləri, qəsidələri, "Leyli və Məcnun" poeması, "Şikayətnamə" kimi nəsrləri, həmçinin "Hədiqətüs-süəda" kimi əsərləri onun həm şair, həm də mütəfəkkir kimi çoxşaxəli olduğunu göstərir.

Akademik Rafael Hüseynov, həmçinin Məhəmməd Füzulinin "Ey təbib" rədifli qəzəlindən danışıb. Qeyd edib ki, bu qəzəl eşq dərdinin fiziki müalicəsinin mümkünsüzlüyünü, ruhani iztirabın üstünlüyünü tərənnüm edən klassik nümunədir.

“Vətənim” verilişini buradan izləyə bilərsiniz.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.