Sumqayıt şəhərində yerləşən Heydər Əliyev Mərkəzində adı çəkilən qurumun və Azərbaycan Yazıçılar Birliyi Sumqayıt bölməsinin təşkilatçılığı ilə Xalq yazıçısı, AYB-nin katibi Çingiz Abdullayevlə oxucuların görüşü keçirilib. Tədbirdə şəhər ziyalıları, gənc yazarlar, tələbələr və ədəbiyyatsevərlər iştirak ediblər.

Tədbirdə Çingiz Abdullayev yaradıcılığı, Azərbaycan və dünya ədəbiyyatındakı yeri, detektiv janrının xüsusiyyətləri barədə geniş söhbət aparılıb. Çingiz Abdullayev oxucuların suallarını cavablandırıb, yaradıcılıq planlarından danışıb və gənclərə mütaliənin əhəmiyyətini tövsiyə edib.

Yazıçı ilə görüş çərçivəsində onun "Riyakarın ifşası" əsərinin Azərbaycan dilində işıq üzü görmüş nüsxəsi oxuculara təqdim edilib. Əsərin tərcüməçisi Nizami Gəncəvi adına Milli Azərbaycan Ədəbiyyatı muzeyinin əməkdaşı Munisə İsmayılova, redaktoru isə muzeyin əməkdaşı, filologiya üzrə fəlsəfə doktoru Təbəssüm Muxtarovadır. Muzey əməkdaşları ıxışlarında yazıçının Azərbaycan ədəbiyyatının tanıdılmasında mühüm rol oynadığını qeyd edib, belə görüşlərin gənclərin ədəbiyyata marağının artırılmasına xidmət etdiyini bildiriblər.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.