Nizami Gəncəvi adına Milli Azərbaycan Ədəbiyyatı Muzeyində təcrübə keçən tələbələrlə Nizami Gəncəvi bədii irsini tanıdan elmi seminar məşğələsi keçirilib.

Seminarda, muzeyin “Məktəblərlə və ictimaiyyətlə iş” șöbəsinin kiçik elmi işçisi Nəzrin Yusifova “Böyük Azərbaycan şairi Nizami Gəncəvi”  mövzusunda məruzə edib.

Seminar zamanı Nizami irsinin dünya ədəbiyyatındakı yeri, onun əsərlərinin müxtəlif dillərə tərcüməsi, eləcə də Şərq və Qərb ədəbi-mədəni mühitinə təsiri barədə ətraflı məlumat verilib.

Elmi seminarın  iştirakçılarına şairin “Xəmsə”si, humanist-fəlsəfi baxışları və Azərbaycan ədəbi fikrinin formalaşmasındakı rolu haqqında video çarx da təqdim olunmuşdur.

Daha sonra  Nizami yaradıcılığının ingilisdilli şərqşünaslıqda tədqiqi tarixi, müasir Avropa alimlərinin fəaliyyətində Nizami dühası və onun təsirləri kimi məsələlərə toxunulmuşdur.

Seminar məşğələsi tələbələr tərəfindən maraqla qarşılanmış, mövzu ətrafında fikir mübadiləsi aparılaraq suallar səsləndirilmişdir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.