Akademik Rafael Hüseynov Vamiq Məmmədəliyevin həyat və fəaliyyəti haqqında məlumat verərək bildirib ki, o, instrumental muğam ifaçılığında görkəmli simalardandır. Vamiq Məmmədəliyev ustadlarından - Ə.Bakıxanov,Bəhram Mənsurov, Hacı Məmmədov, Əhsən Dadaşovdan öyrəndiyi ifaçılıq üslublarını yeni çalar, yeni nəfəslə özünəməxsus tərzdə muğam sənətinə gətirib.

Qeyd edilib ki, ustad sənətkar 80 yaşında olmasına baxmayaraq muğam sənəti sahəsində - solo ifaçılığı, müşayiətçi- tarzən, pedoqoq-tarzən, muğam tədqiqatçısı kimi səmərəli fəaliyyət göstərərək bu sənətin inkişafına, təbliğinə böyük əmək sərf edir. O, müasir dövrümüzün Azərbaycan muğam sənətini yaşadan görkəmli ifaçı, müşayiətçi tarzən, metodist- müəllim, ziyalı şəxsiyyətlərimizdəndir. Həyatı boyunca tar Vamiq Məmmədəliyevin ömrünün mənasına, ən yaxın sirdaşına çevrilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.