Böyük Azərbaycan şairi, ictimai xadim Səməd Vurğunun 120 illik yubileyi şairin mənzil-muzeyində növbəti tədbirlə qeyd olunub.

Tədbir Xalq Təhsili Muzeyinin və Səməd Vurğunun ev-muzeyinin birgə təşkilatçılığı ilə təşkil edilmişdir. Tədbiri giriş sözü ilə Xalq Təhsili Muzeyinin direktoru Zülfiyyə Şiriyeva və Səməd Vurğun ev muzeyinin direktoru Vurğun Vəkilov açmışdır.

Nizami Gəncəvi adına Milli Azərbaycan Ədəbiyyatı Muzeyinin “Klassik Azərbaycan dili, ədəbiyyatı və mədəniyyətinin tədqiqi” şöbəsinin elmi işçisi Mehriban Vəliyeva tədbirin qonaqları qismində iştirak edərək, “Səməd Vurğun yaradıcılığında Nizami mövzusu” adlı məruzə ilə çıxış etmişdir.

Mehriban Vəliyeva Səməd Vurğunun intibah şairi Nizami Gəncəvinin bədii irsinə münasibəti və Nizami məktəbinin onun yaradıcılığına təsiri məsələlərindən bəhs edib. 

Məruzəçi, həmçinin, Nizami muzeyinin ekspozisiyası əsasında hazırlanmış slaydın nümayişi ilə görkəmli şairin xatirə əşyaları və onların tarixçəsi haqqında da məlumat vermişdir.

 © Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.