Aslan Aslanovun kitabındakı "dərslər" sözü böyük anlam daşıyır.

"Report"xəbər verir ki, bunu Milli Məclisin sədr müavini, deputatı Rafael Hüseynov "Heydər Əliyevin dövlətçilik və diplomatiya dərsləri. 1-ci kitab" adlı kitabın təqdimat mərasimində deyib.

Onun sözlərinə görə, Heydər Əliyev Azərbaycan tarixinin nadir simasıdır:

"Hətta Heydər Əliyevi yaxından tanıyanlar belə arxiv materiallarından onun necə misilsiz biri olduğunu görürlər. Heydər Əliyev haqqında yazmaq səlahiyyət tələb edir. Çünki böyük şəxsiyyət haqqında yazmaq üçnü özün də böyük olmalısan".

Milli Məclis sədrinin müavini bildirib ki, kitabın müəllifi Aslan Aslanov AZƏRTAC-ın müxbiri kimi fəaliyyət göstərərək Heydər Əliyevin fəaliyyəti dönəmində onunla bir yerdə olub:

"Aslan Aslanovun kitabındakı "dərslər" sözü böyük anlam daşıyır. Heydər Əliyev elə bir şəxsiyyət idi ki, ondan dərs almaq lazım idi. Kim onu yaxından izləyib dərs götürübsə, həmin şəxs qazanıb".

Rafael Hüseynov həmçinin vurğulayıb ki, Heydər Əliyev ədəbiyyat, mədəniyyət, elm və sənət adam olub.