Azərbaycan Radiosunda yayımlanan “Axşam görüşləri” proqramının növbəti buraxılışı Kürdəmirin tanınmış ziyalısı, ağsaqqalı, Əməkdar jurnalist və yazıçı Tofiq Abdullayevə həsr olunub.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında yayımlanan proqramda veteran jurnalist Tofiq Abdullayevin fəaliyyətindən geniş bəhs olunub.

Diqqətə çatdırılıb ki, ömrünün 80-cı zirvəsinə çatan dəyərli qələm adamı söz yolunda yenə inamla irəliləyir. Kürdəmirin mədəni həyatında iz qoymuş görkəmli şəxsiyyətlərin təbliğində jurnalist və yazıçı kimi onun rolu əvəzsizdir. Tofiq Abdullayev hazırda da jurnalistik fəaliyyətini uğurla davam etdirir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.