Hələ Macarıstan əlyazma irsimizin araşdırılması baxımından bizi gözləyən ünvanların ən zəngini deyil. Amma Macarıstan Elmlər Akademiyasının Şərq Əlyazmaları bölməsində qısa müddət ərzindəki axtarış və tapıntılar onu deyir ki, klassik irsimizin Vətəndən kənarda qiymətli nümunələri çoxdur və onlara doğru ardıcıl şəkildə can atmalıyıq.

Bu mənbələri tədqiq və nəşr etmək borcdur.

Əlbəttə ki, bu asan olmayan işləri görə biləcək mütəxəssisləri ardıcıl şəkildə yetişdirmək şərti ilə.

Ensiklopedik zəkalı Nəsirəddin Tusinin müxtəlif elm sahələrinə aid bir çox risalələri bizə məlumdur. Ancaq onun indiyədək bəlli olanlar sırasında yer almayan və bir neçə fərqli əsərin toplandığı mükəmməl bir əlyazmanın içərisində yer alan naməlum risaləsinin XVIII əsrin əvvəllərində türqkcəyə edilmiş dəyərli tərcüməsi ilə qarşılaşmağımız çox sevindirdi.

Şirvan tarixinə aid salnamə, Nizami "Xosrov və Şirin"in türkcəyə 2 sanballı tərcüməsi və daha neçə əsər...

Mənə gərək olan əlyazmaların elektron surətlərinin hazırlanmasında göstərdikləri köməklərə görə Şərq Əlyazmaları bölməsinin dəyərli əməkdaşları Stumpf Anna və Yablonkay Yudit xanımlara təşəkkürkələrimi yetirirəm.

 

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.