Türkiyə ədəbiyyatı və folklorunun tədqiqatçısı, şair Nuri Taner sentyabrın 8-də Nizami Gəncəvi adına Milli Azərbaycan Ədəbiyyatı Muzeyini ziyarət edib.

Ailə üzvləri ilə Bakıda qonaq olan və ədəbiyyat muzeyini ilk dəfə gəzən Nuri Taner muzeyin zəngin ekspozisiyası ilə tanışlıqdan böyük zövq aldığını bildirib.

Muzey bələdçisi Zahirə Əzizovanın həm qədim dövr, həm də sonrakı yüzilliklər ədəbiyyatımız və tariximiz haqqında verdiyi məlumatlar ziyarətçilərin böyük marağına səbəb olub. Nuri Taner, müəllifi olduğu “Karanlı büyütüyorum. Adım gece” kitabını muzeyin fonduna hədiyyə edib.

Qonaqlar  Nizami muzeyinin “Rəylər” kitabına öz təəssüratlarını qeyd ediblər:

“Nizami Gəncəvi adına Milli Azərbaycan Ədəbiyyatı Muzeyini dolaşmaqdan, zəngin materialı görməkdən çox şad oldum, xeyli məlumatlandım. Xüsusilə bələdçimiz Zahirə Əzizovanın zərif nitqini ailəlikcə dinləməkdən zövq aldıq.

Nizami muzeyinin binasını da çox bəyəndik. Hazırlayanlara təşəkkür edirəm, hər kəsin əməyinə hörmətlərimi bildirirəm”. 

08.09.2026

Nuri Taner

Folklor tədqiqatçısı , şair