Sentyabrın 13-də Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında yayımlanan proqram Əməkdar artist, Azərbaycan musiqiçisi, dirijor Əyyub Quliyevə həsr olunub.

Akademik Rafael Hüseynov bildirib ki, Əyyub Quliyev Azərbaycanın Xalq artisti, tarzən Ramiz Quliyevin oğludur. O, Azərbaycan Dövlət Akademik Opera və Balet Teatrının dirijoru, Bakı Musiqi Akademiyasının Xor Dirijorluğu kafedrasının baş müəllimi, Vasili Safonov adına Rusiya Akademik Dövlət Filarmoniyasının baş dirijorudur. 2017-ci ildə Azərbaycan Respublikasının Əməkdar artisti adına layiq görülüb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.