Azərbaycan Radiosunda “Axşam görüşləri” proqramının növbəti buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun təqdimatında yayımlanan proqram görkəmli arxeoloq, AMEA-nın Arxeologiya və Etnoqrafiya İnstitutunun daş dövrü arxeologiyası şöbəsinin müdiri, professor Əsədulla Cəfərovun keçdiyi həyat yoluna həsr olunub.

Akademik Rafael Hüseynov bildirib ki, əslən cənub bölgəsindən olan Əsədulla Cəfərov ömrü boyunca Qarabağda arxeoloji tədqiqatlar aparıb, ömrünün 60 ilini elmə həsr edib. O, Azərbaycanın daş dövrü və qədim məskənlərinə, xüsusilə Azıx mağarasına və Qarabağın paleolit düşərgələrinə həsr olunmuş bir çox mühüm elmi əsərin müəllifidir.  

Proqramda tanınmış Azərbaycan alimi, tarixçi-epiqrafist və şərqşünas, AMEA-nın müxbir üzvü Məşədixanım Nemətovanın professor Əsədulla Cəfərov haqqında yazdığı misralar səsləndirilib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.