Türkiyə Cümhuriyyəti Yunis Əmrə İnstitutunun şəhərimizdə qonaq olan bir qrup müəllim və tələbə heyəti 5 oktyabrda Nizami Gəncəvi adına Milli Azərbaycan Ədəbiyyatı Muzeyini ziyarət edib.

Qonaqlar muzeyin ekspozisiya zallarını gəzmiş, filologiya üzrə fəlsəfə doktoru Nəzmiyyə Yigitoğlunun bələdçiliyi ilə Azərbaycan ədəbiyyatı və tarixinin qədim dövrlərdən başlayaraq müasir zamanaqədərki salnaməsi ilə tanış olmuşlar.

Yunis Əmrə İnstitutunda Azərbaycan ədəbiyyatı üzrə də dərslərin  keçirildiyini vurğulayan müəllimlər klassik və XX əsr ədəbiyyatımızın nümayəndəli haqqında izahatı maraqla dinləmişlər.

Qonaqlar muzeyin “Rəylər kitabı” nda da təəssüratlarını bölüşmüşlər:

“Anadolu Məktəbi ailəsi olaraq “Dildə, fikirdə, işdə birlik” və “İki dövlət bir millət” düsturuyla “Azərbaycan və türk ədəbiyyatı oxumaları” çərçivəsində 4-7 Oktyabr 2026-cı il tarixləri arasında Bakıya bir ziyarət gerçəkləşdirdik. Bu ziyarət daxilində Ədəbiyyat muzeyini də gəzdik. Azərbaycan ədəbiyyatı tarixini yaxından görmək imkanımız oldu. Azərbaycan ədəbiyyatı mirasını bizlərə tanıdan bələdçimizə çox təşəkkür edirik”.  

Hörmətlə,

Səlcuq Çinar

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.