2026-cı il Ədəbiyyat üzrə Nobel Mükafatı laureatı açıqlanıb.

Mükafat kanadalı yazıçı Anne Karsona verilib.

Karson 1950-ci ilin 21 iyununda Torontoda anadan olub. O, bakalavr, magistr və doktorluq dərəcələrini Toronto Universitetində alıb. Karson klassik tədqiqatlar professoru kimi çalışıb və qədim yunan əsərlərini tərcümə edib. Onun kitablarına "Acı-şirin Eros" (Eros the Bittersweet), "Şüşə", ironiya və Tanrı" (Glass, Irony, and God), "Qırmızının tərcümeyi-halı"  (Autobiography of Red), "Ərin gözəlliyi" (The Beauty of the Husband), "Azalma" (Decreation), "Noks" (Nox), "Antiqonik" (Antigonick), "Qırmızı Dok” (Red Doc) və “Səhv Norma" (Wrong Norma) daxildir.

Qeyd edək ki, 2025-ci ildə Ədəbiyyat üzrə Nobel Mükafatı macar yazıçısı Laszlo Krasznahorkaya verilib. Mükafat "apokaliptik dəhşət fonunda sənətin gücünü təsdiqləyən təsirli və uzaqgörən yazılarına görə" təqdim edilmişdi.

Bir il əvvəl isə Cənubi koreyalı yazıçı Han Kanq "tarixi travma ilə üzləşən və insan həyatının kövrəkliyini ifşa edən zəngin, poetik nəsrə" görə Ədəbiyyat Mükafatını qazanıb.

Xatırladaq ki, Nobel Mükafatı fizika, kimya, fiziologiya və ya tibb və ədəbiyyat sahəsindəki nailiyyətləri, eləcə də sülhə verdiyi töhfələri tanıyan beynəlxalq mükafatdır. O, isveçli kimyaçı, ixtiraçı və sahibkar Alfred Nobel (1833-1896) tərəfindən təsis edilib.

Nobelin vəsiyyətinə görə, mükafatlar hər il onun əmlakından əldə edilən gəlirdən verilir. Ədəbiyyat üzrə mükafat 1901-ci ildən etibarən təqdim olunur və laureat İsveç Akademiyası tərəfindən seçilir.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.