Bakı Dövlət Universitetinin (BDU) Şərqşünaslıq fakültəsinin tələbələri Nizami Gəncəvi adına Milli Azərbaycan Ədəbiyyatı Muzeyini ziyarət ediblər.

Muzeyin ekspozisiya zallarını gəzən tələbələr Azərbaycan ədəbiyyatının tarixi inkişaf yolu, zəngin ədəbi irsimiz və milli mədəniyyətimizin müxtəlif dövrlərdəki inkişaf xüsusiyyətləri ilə yaxından tanış olmaq imkanı əldə ediblər.

Şərq dillərini öyrənən tələbələr üçün muzeyin ekspozisiyası klassik Azərbaycan ədəbiyyatını və mədəniyyətini daha dərindən dərk etmək, ədəbi irsimizin Şərq xalqlarının mədəni ənənələri ilə əlaqələrini əyani şəkildə görmək baxımından xüsusi əhəmiyyət daşıyıb.

BDU-nun Şərqşünaslıq fakültəsində fars ədəbiyyatı, İranın mədəniyyəti və incəsənəti fənlərini tədris edən akademik Rafael Hüseynovun tələbələrlə birlikdə muzeyə səfəri zamanı orta əsrlər Azərbaycan ədəbiyyatı və mədəniyyəti ilə İran ədəbiyyatı və mədəniyyəti arasındakı çoxşaxəli əlaqələr diqqət mərkəzində olub. Ekspozisiya ilə tanışlıq tələbələrə iki xalqın ədəbi-mədəni irsi arasındakı qarşılıqlı təsirləri, ortaq ənənələri daha dərindən anlamaq imkanı yaradıb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.