M.Maqomayev adına Azərbaycan Dövlət Akademik Filarmoniyasında görkəmli bəstəkar Ramiz Mustafayevin anadan olmasının 100 illiyinə həsr olunan “Yadıma sən düşərsən” adlı konsert keçirilib.

Konsertin əvvəlində bəstəkarın sevilən əsərlərindən olan “Bakının ulduzları” mahnısı səsləndirilib.

Daha sonra tədbirdə Milli Məclisin deputatı Rafael Hüseynov çıxış edərək Ramiz Mustafayevlə bağlı xatirələrini bölüşüb, bəstəkarın həyat və yaradıcılığından söz açıb.

Konsertdə Qara Qarayev adına Azərbaycan Dövlət Kamera Orkestri və solist Ramil Qasımov dirijor Əyyub Quliyevin rəhbərliyi ilə çıxış edirlər.

Musiqi proqramında Ramiz Mustafayevin dərin lirizmi, incə melodik dili və milli ruhu ilə seçilən əsərləri təqdim olunur.

Tədbir bəstəkarın zəngin yaradıcılıq irsinin təbliği və Azərbaycan musiqi mədəniyyətinin yaşadılması baxımından əhəmiyyət daşıyır.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.