Milli Məclisin sədr müavini, akademik Rafael Hüseynov konsertdə iştirak edib.

Konsertin əvvəlində giriş nitqi ilə çıxış edən akademik Rafael Hüseynov Qarabağ müharibəsində qazandığımız möhtəşən qələbənin millətin birliyinin qüvvətlənməsi, vətənpərvərlik hissinin yüksəlməsi, xalqın qürur və əzminin möhkəmlənməsindəki əhəmiyyətinən bəhs edib, 2020-ci ilin sentyabr, oktyabr, noyabr aylarında cərəyan edən 44 günlük döyüşlərin, 2023-cü ilin sentyabrında gerçəkləşən qısamüddətli antiterror əməliyyatının Azərbaycanın qəhrəmanlıq tarixindəki misilsiz yerindən söz açıb.

Rafael Hüseynov Hacıqabulun Birinci Qarabağ müharibəsindəki 92, İkinci Qarabağ savaşındakı 24 və 2023-cü ilin antiterror əməliyyatları zamanı canını qurban vermiş daha 3 şəhidinin adları və xatirələrinin həmişə sevgi ilə anılacağını bildirib.

Daha sonra tədbir respublikanın tanınmış sənətkarlarının və yerli ifaçıların təqdim etdiyi əlvan konsert proqramı ilə davam edib.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.