Bakı Ali Neft Məktəbində “Maliyyə və Data analitikası” “ixtisası üzrə təhsil alan bir qrup tələbə və müəllim heyəti Nizami Gəncəvi adına Milli Azərbaycan Ədəbiyyatı Muzeyini ziyarət ediblər. 

Tələbələr muzeyi böyük maraqla gəzərək Azərbaycanın tarix, ədəbiyyat və mədəniyyətinin inkişaf yolunu əks etdirən ekspozisiya ilə yaxından tanış olublar. Ziyarətçilərlə muzeyin “Rəqəmsallaşdırma, əlyazmaların tədqiqi və nəşr resursları” şöbəsinin müdiri, filologiya üzrə fəlsəfə doktoru Gülnar Əqiq eksursiya aparıb. Tələbələr muzeyin iki mərtəbədə yerləşən ekspozisiya zallarında Azərbaycanın zəngin ədəbiyyatı ilə ətraflı tanış olub və muzeydə qorunan bu xəzinəyə heyranlıq hissi ilə tamaşa ediblər.

Ekskursiya zamanı tələbələrə Azərbaycanın qədim mədəniyyəti, klassik ədəbi irs, orta əsr memarlıq abidələri, muzeydə sərgilənən incəsənət əsərləri və muzeyin yaranma tarixi haqqında məlumat verilib.

BANM-in tələbə və müəllim heyəti Azərbaycan ədəbiyyatının qorunması və təbliği istiqamətində muzeydə görülən işlərə, həmçinin peşəkar bələdçi xidmətinə görə rəhbərliyə öz minnətdarlıqlarını ifadə edərək muzeyin “Rəylər və təəssüratlar” kitabında xoş təəssüratlarını bölüşüblər.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.