Mayın 15-də AMEA Rəyasət Heyətinin növbəti iclası keçirilib. 

Əvvəlcə AMEA-nın prezidenti, akademik Akif Əlizadə gündəlikdə yer alan məsələlər barədə məlumat verib.

Tədbirdə Nizami Gəncəvi adına Milli Azərbaycan Ədəbiyyatı Muzeyinin strukturunda qismən dəyişiklik edilməsi məsələsinə baxılıb.

Bildirilib ki, Milli Azərbaycan Ədəbiyyatı Muzeyinin Xaqani Şirvanı adına Aran Regional Şöbəsinin fəaliyyət istiqamətinin genişləndirilməsi həmin şöbənin adında dəyişiklik edilməsi zərurətini meydana çıxarıb. Bununla əlaqədar AMEA-nın Humanitar Elmlər Bölməsi Rəyasət Heyəti qarşısında vəsatət qaldırıb.

İclasda AMEA Rəyasət Heyəti muzeyin Xaqani Şirvanı adına Aran Regional Şöbəsinin Aran Regional Filialı adlandırılması haqqında qərar qəbul edib. Həmçinin Xaqani Şirvani adına Aran Regional Filialının Əsasnaməsi və ştat cədvəli təsdiq edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.