Fevralın 26-da AMEA Nizami Gəncəvi adına Milli Azərbaycan Ədəbiyyatı Muzeyində xalqımızın qan yaddaşı Xocalı faciəsinin 26-cı ildönümünə həsr olunan elmi sessiya keçirilib.

Tədbirdə bu elm müəssisəsinin direktoru, akademik Rafael Hüseynov “Erməniliyin insanlığa qarşı cinayəti - Xocalı” mövzusunda məruzəsi dinlənilib. R.Hüseynov Xocalı soyqırımı və bu qəddar aktın günahkarlarına beynəlxalq səviyyədə siyasi-hüquqi qiymət verilməsi istiqamətində görülən işlərdən söz açıb.

Türkiyənin Azərbaycandakı səfirliyinin mədəniyyət və tanıtma müşaviri İrfan Çiftçi Xocalı soyqırımının Türkiyə və dünya

ictimaiyyəti miqyasında böyük nifrət və etirazla qarşılandığını söyləyib, bu faciənin yaddaşlardan heç vaxt silinməyəcəyini bildirib.

Sonra muzeyin elmi işlər üzrə direktor müavini, professor Xatirə Bəşirli “Xocalıya ədalət!” beynəlxalq kampaniyasının 10 illiyi” mövzusunda, komprotivistika və bədii tərcümələr şöbəsinin müdiri, professor Şəfəq Əlibəyli “Xocalının səsi” mövzusunda, Xurşidbanu Natəvan adına Qarabağ filialının kiçik elmi işçisi Məhsəti Əhmədova isə "Xocalı faciəsi" mövzusunda məruzə ilə çıxış edib.

Gənc rəssam Günay Mehdizadə tədbirdə nümayiş olunan “Xocalı” tablosu haqqında danışıb.

© Bütün hüquqlar qorunur. Xəbərlərdən istifadə edərkən www.nizamimuseum.az saytına istinad zəruridir.